اكره الرجل

اكره الرجل اللي لحيته الى سره واذا مرت من عنده بالسوق حرمه طالع فيها

اكره الرجل:- اللي يخلي حرمته تدف العربيه بالسوبرماركت او عربية الطفل باي مكان عام وهو جنبها فاتح كشرته

اكره الرجل :-اللي معه حرمته ويبصص بالحريم وهو بالسوق

اكره الرجل:- اللي راتبه فوق العشره الاف وتنط عينه على راتب حرمته ويجبرها تصرف على عياله

اكره الرجل :-اللي يمنع اخواته يروحن للسوق او يطلعون ملاهي او مطاعم مع صديقاتهم واذا اعرس عادي عنده زوجته تطلع مع صديقاتها تتمشى ..

اكره الرجل :-اللي يركب امه ورا بالسياره وزوجته مجعصه قدام معه

اكره الرجل :-اللي ينادي حرمته بالهل (( الاهل )) ولا يناديها بام فلان او اسمها

اكره الرجل :-اللي معه جوالين واحد يكلم فيه حرمته .. الو خير وش عندتس اخلص علي انا مشغول شايفتني فاضي لتس ..ويكلم خويته بالجوال الثاني .. الو هلا حياتي هلا عمري امري وش عندك يانور عيوني

اكره الرجل:- اللي يقعد بالبيت بسروال وفنيله وكرشته طالعه من تحت الفانيله من الشحوم المكدسه وريحته خياس والاسنان صفر والشعر مليان قشره ويقعد يقارن زوجته بالفنانات او يطالبها انها تتكشخ له وتغريه باللبس الزين ..

اكره الرجل :-اللي اذا بغى يتزوج على حرمته وسالوه اهل البنت الجديده وليش تبي تعرس يقعد يطلع عيوب الدنيا كلها بزوجته الاولى

اكره الرجل :-اللي يمنع زوجته تروح تزور صديقاتها وهو مايجي الا تالي الليل من عند ربعه بالاستراحه

اكره الرجل :-اللي يكتب مقال عن البنات ويسب فيهن وامه واخواته مايرضى على احد يتكلم عليهن

اكره الرجل:- اللي مقابل النت 24 ساعه ومسوي مثالي وكاتب مقال عن تربيه الاطفال وحقوق الزوجه .. يدخل ولده الصغير عليه .. يبه ودني البقاله اشتري لي حلاو .. اقول انقلع عند امك لاجابك الله من ولد غثه

او اللي مسوي اخلاق والتزام ودين بالمنتدى وهو مطيح ماسنجر مع البنات

اكره واكره .. الخ وهذا شي قليل والخافي أعظم ..

ههههههههههههههههه
والله عندك حق دول ينكرهوا اووووووووووى
اللى بيعملوا الحاجات دى
تسلمين يا قمرى

كلام جميل

تسلمى